பற்றட்டு இரு.

என் சீட்டின்
முன் நின்ற
பெண் ...

அழகின் ஆணவம்
அழகியின் ஆபரணம் ..
திரும்பிப் பார்க்காத திமிர்
திருத்தம் தேவையில்லா தமிழ்...

என் கண்களின்
இமைகள் உறைந்தன...
ஆனால்
காட்சிகள் மறைத்தன...

பேருந்து பயணம்தான் ..
ஆனால்
பறந்துகொண்டிருந்தேன் .

நிறுத்தம் வந்தது ..
நின்றவள் இறங்கினாள் .

அது
குடிசைகள்
நிறைந்த பகுதி.

பற்றிக்கொண்டது,
பற்றிக்கொண்டு வந்தது.

பற்றட்டு இரு,
பழமொழி புன்னகைக்க .

பேருந்து
புறப்பட்டு விட்டது.

குடியாட்சி

குடியாட்சி



சொல்லாத உண்மை ஒன்றை
நண்பனிடம் சொல்லவேண்டும் ..

இல்லாத காதலையும்
இருப்பது போல் பேச வேண்டும் ..

தொண்டையையும் தாண்டி
விஷம் செல்லட்டும் ..
கண்கள்  மேலே
சொருகி இருக்கட்டும் ..
கோபம் கொப்பளிக்கட்டும் ..
கொண்டாட்டம்
கூட்டம் கூட்டட்டும் ...

பேசி சிரிக்கட்டும் வாய்கள் ..
ஆடி களைக்கட்டும் கால்கள் ..

நானும்
சிலநேரம்
சிவனாக ...

நானும்
சிலநேரம்
சிவனே என்று ....

பூரண மது விலக்காம்,
புண்ணாக்கு.

டாட்டா

எடுத்துக்கோ னா
கையில ஒண்ணுமில்ல.

புடிச்சுக்கோ னா
பந்து எதுவும் போடல.

சிமிட்டி சிமிட்டி
பேசுனா  கண்ண ..

எட்டி எட்டி
போய் நான் நின்னேன்.

சினிமாவும்
சீனியர் ப்ரன்ட்ஷிப்பும்
சொல்லிகொடுத்திருந்தது ..

காதல்ல தோல்வின்னா
தண்ணிமட்டும் போடலாம்னு ..

வேண்டாம்னு முடிவுசெஞ்சேன்,
நைட் எல்லாம் யோசிச்சிட்டு.

விரல்ல மெட்டியும்
வீட்ல சுட்டியும்
சுட்டிக்  காட்டி,
விளக்கமா சொன்னேன் ...
அன்பா  திட்டி.

திரும்பிட்டா
திருந்திட்டா !

டாட்டா .

மூன் லிமிரிக்

 LIMERICK

இரவெல்லாம் உடனிருந்த நிலா
தூரமாய் வருகிறாய் உலா
குறைந்தாய் வளர்ந்தாய்
சோறூட்ட துணைபுரிந்தாய்
உன்னை  பார்த்தே வலிக்குது விலா .

சாதி வளர், காதல் கொல்.

செத்த  பிறகு வந்துவிடாது உயிர்
உயிரோடு இருப்பதால் வந்துவிடாது காதல்.
காதலோடு வாழ்பவர்களை
உயிரோடு வாழவிடுங்கள்.

காதலுக்காக பெற்றோரைத்
தள்ளிவைக்க முடியுமெனில்
காதல் பெரிதுதான்..

காதலித்ததற்காக  பிள்ளைகளுக்கு
கொள்ளிவைக்க முடியுமெனில்
 காதலைவிட சாதி  பெரிதுதான் ..

சாதி வளர...

ஸ்கேன்னில்
ஆணா பெண்ணா
அப்புறம் பார்க்கலாம்,
நிறத்தை பாருங்கள் .

கருப்பாய் இருந்தால்
களைக்க முடியுமா கேளுங்கள் .

முடிந்தவரை நிறைய குழந்தை
பெற்றுக்கொள்ளுங்கள்.

மறக்காமல் கேட்டுக்கொள்ளுங்கள்
டாக்டரும் நர்சும் என்ன சாதி என்று..


சாதி வளர
சாதியை  வளர்க்க

முன்னும் பின்னும் பெயருடன்
  சாதியைச் சேர்த்திடுங்கள் .

வீதியில்
வேறு சாதியில் - விளையாடினால்
சூடு வையுங்கள் .

நம்மை விட
உயர்ந்த / தாழ்ந்த
சாதிகள் இல்லையடி பாப்பா
என  பாரதி சொன்னதாகவே
சொல்லிவிடுங்கள்.

வசதி அதிகமோ குறைவோ
மற்ற சாதி திருமணதிற்கு
போகாதீர்கள் ...
அழைக்காதீர்கள்..

சாதி வளர
சாதியை  வளர்க்க

முட்டி மோதி
முன்னுக்கு வரப்பார்க்கும்
மட்ட ( மற்ற ) சாதிக்காரனை
முட்டியில்
தட்டி முடக்கிவிடுங்கள்.

இல்லையெனில்,
பதவியோ பணமோ
வந்துவிட்டால் ,
சாதியை மறந்து
விழா எடுக்கவேண்டி வரும்.

மனிதனை மிருகமும்
மிருகம் மனிதனையும்
புணரக்கூடாது ..
புத்தியில் நிறுத்துங்கள் .


மீறினால்

மெதுவாக
மிக மெதுவாக
கொன்றுவிடுங்கள் ..

நடுரோட்டில்
வெட்டி வெட்டி வீசாதீர்கள் ..

சாதி
அசுர வேகமாக
வளர வேண்டும்தான் ..
அசுரத்தனமாக அல்ல.

சாதி வளர்,
காதல் கொல்.

ஆனால்

மெதுவாக
மிக மெதுவாக...

காஸ் சிலிண்டெர்

காஸ் சிலிண்டருக்கு  ஒரு பெயர் சூட்டலாம் .

சிவப்பு ரோஜாவா சிவப்பு ராஜாவா
சிந்திக்கும் முன்னே சின்னதாய் கேள்வி .
சிலிண்டர் என தெரிந்தும் ஏனோ
சிநேகிதமாய் கேட்கிறேன் - நீ
ஆணா ? பெண்ணா ?

சிலருக்கு தெரிந்திருக்கும் பலருக்கு புரிந்திருக்கும்
சில்லின்றி ( விறகு) நீ செய்யும் வேள்வி .
சின்னதாய் உனக்கு ஒரு பேர் வைக்க வேண்டும்
சிறிதுநேரம் சிரித்திரு செல்லச் சிலிண்டரே .

கர்பத்திலிருந்து காற்றைப் பிரசவித்து
வெப்பத்தை வெளிக்கொனர்வதால் நீ பெண் .
நிரம்பியிருக்கையில் விரும்பப்பட்டு - காலியானதும்
நிராகரிக்கப்படுவதை நினைத்தால் ஆண் .
எதற்கிந்த பட்டிமன்றம் ?
பேர் வைக்க பாலினம் வேண்டாமா .

ஆணால் பெண்தான்
ஆண் பெண் செய்கிறாள் .
ஆனால் பெண்தான் - உன்னை
ஆன் செய்கிறாள் .

உரசிய சிறு நெருப்பூட்டி
 உன்னை வளர்க்கிறாள் ,
உணவைச் சமைக்கிறாள் .
ஆனாலும் தெரியவில்லை - நீ
ஆணா ? பெண்ணா ?

'ஒற்றைத் தீக்குச்சி போதும் ஒளிர'
'தீப்பொறி இருந்தால் திறன் வெளிப்படும்'
ஓரத்தில் அமர்ந்து
ஓசையின்றி நீ சொல்லும்
தன்னம்பிக்கை வரிகள் இவை .

தொண்டைவரை தின்று
தொப்பென மெத்தையில் விழுந்து
தொப்பைக்கு காத்து வாங்கும்போது கூட
தோன்றவில்லை உன் நினைவு .

வேலை நாட்களில்
நாக்கில் உணவை வைத்து ,
விடுமுறையில்
உணவில் நாக்கை வைத்து
எங்களையே மறக்கின்றோம்
சுவைத்து சுவைத்து ...
உன்னை எப்படி நினைத்து .

விருந்தாளி வரும்போது
வெறுமனாகி வெறுபேற்றி
பழகாத பக்கத்துக்கு வீட்டுக்காரரிடம்
பல்லிளிக்க செய்திடுவாய் .

பைபாசில் பைக் ஓட்டும்
பழகாத பையனைப் போல்
பற்றவைத்து அணைக்கும் வரை
பதற்றத்துடன் வைத்திருப்பாய்.


நீ மூச்சு விட்டபின் தான்
குக்கருக்கு மூச்சு வரும்  - சோறு
குடலுக்கு போய்ச் சேரும் .

தீயாகி செத்திடுவாய்.
செத்து தீயாவோம் .

புதிய உடல் ; பழைய உயிர் -
மனிதன்..
பழைய உடல் ; புதிய உயிர் -
நீ சிகப்பு மனிதன்.

ஆக்குபவனாகவும்
அழிப்பவனாகவும்
அமைதியானலிங்கம் ...

சிவா .

கடன் சுமை

     


            இளம் பெண்களை
                இல்லத்தில் கொண்ட
                    பெற்றோர்களுக்கு
               கடன் இருப்பதைவிட
                        அப்பெண்கள்
                             உடன் இருப்பதே
                                அதிகச் சுமை - இன்னும்கூட .
                                   

கோட்டை கட்டு

நல்லவனுக்கு நாளை மரணம் .
கெட்டவன் உயிர்புகும் தருணம் .

சீக்ரெட்டாய் உன்னை
சீக்கிரமாய் அணைக்க நினைத்தவன்
சிகரெட்டாய்  அணைப்பான்.

குடித்தனம் உன்னோடு இல்லை,
குடி தினம் உண்டு .

கலைந்தது கனவு - இனி
களைத்திருக்கும் அவன்  கண்கள் ,
கலைந்தே இருக்கும் தலை.

தடவி தடவி திரிந்தான்
தடவமுடியாமல்
தடம்மாறி போனதால்...

கிறுக்கினான்
கிறுக்கனாய்.

கெட்டவன் சட்டென முடிய
நல்லவன் நாளை பிறக்கிறான் ...

 சிவப்பிற்கு சிரிப்பிற்கு
 மட்டுமல்ல ,
சிறப்பிற்கும் சிநேகிதன்.

கல்யாண வேலை

விவாகம் இங்கே 

விவாத பொருள் .

விவேகம் வேகத்தில் 

வீரியமில்லை..

கண்ணுக்கு எட்டியவரை 

காதல் இருந்தும் 

கைக்கு கிட்டவில்லை   

கல்யாணம் கூடவில்லை.

சந்தித்த பெண்களெல்லாம்

சிந்தனையில் நிற்கவில்லை .

நினைவுக்கு தெரிந்து 

நேற்றுவரை 

நெருங்கின சொந்தத்தில் 

பெண்ணில்லை .

விதவையோ 

வேசியோ 

வேறு ஜாதியிலோ - பெண்ணெடுக்க 

வீரமும் இல்லை.

வேலை வேலை - அதற்கான 

நேரமும்  இல்லை.

  

கேள்WE

         

சுக பிரசவமா ? சிஷேரியனா ?
பையனா ? புள்ளையா ?
பேரென்ன ?

எந்த ஸ்கூல்?
10th 12th ல என்ன மார்க் ?
கோர்ஸ் , காலேஜ் , பீஸ் ???

எங்க வேலை ? சம்பளம் ?
லவ்வு கிவ்வு ?

கல்யாணம் ஆச்சா ?
எதாச்சும் விஷேசமா ?

                                    ( சுக பிரசவமா ? )

இடம் வாங்கி போட்டிருக்கியா ?
வீடு கீது ?

சுகர் இருக்கா ? PP .

எந்த ஹாஸ்பிடல்?
இன்சூரன்ஸ் ?

எப்போ எடுக்கறாங்க ?
அப்பவே கருமாதியா ?

கேள்விகளாக
வாழ்க்கை ,
பதிலாகவும்.






   

எங்க போனாலும்

பாலைவனப்   பயணம்,
தூரத்தில் தண்ணீர்.
துரத்தி தொடர
தூரத்திலேயே
தெரிகிறது,

கானல் நீரின்
கண்ணாமூச்சி விளையாட்டு.

நடக்க நடக்க
நேரம் கடக்கிறது .
தூரம் கடந்தபாடில்லை ..

தாகம் தாக்குகிறது .

வியர்வையின் ஈரத்தால்
உதட்டில்
உப்புச்சுவை.

 கண்ணில்
 கண்ணீரில்லை .

வாயில்
பேச்சு வந்தது ;
எச்சில் வரவில்லை.

வேறு வழியில்லை,
ஜிப்பை திறந்து
தன்னீரை   ( சிறுநீர்)
குடிக்கும்போது .....

 அதிர்ச்சியும்
ஆச்சரியமும் .

Bear  Grylls தொடர்ந்தார்.....
Discovery ல் ,
Man vs wild .



அப்பத்தான்
தோனுச்சு !

எங்க போனாலும்
தண்ணி கொண்டு 
போகணும் .

உனக்கு எப்படி புரியும் என் காதல்

நீ கண் சிமிட்டும்
நேரம் போதும்
காதல் வர ..
கன நேரம்தான்
பற்றிக்கொள்ள ..


நீ வந்தபின்தான்
என்னால் கவிதை
எழுத முடிந்தது.


நீ கண் மூடினாலே
என் உலகம் இருண்டது ..
இருந்தபோது
இன்னும் வெளிச்சமாய்
இருந்தது.

நீ ஏன்
வெள்ளையாய் இருக்கிறாய்.
நான் மட்டும் கருப்பாய் ?

நீ  நான்
படிக்கும்போதே  தேவைப்பட்டாய்.
தூங்கும்போதெல்லாம்
யாராலோ அணைக்கப்பட்டாய்.


  நீ என்
 காதலை புரிந்துகொள்ள
     முடியாத
     TUBE LIGHT .

விலகியும் விளங்காமலும்

           சிரித்துச் செல்கையில்
           சிறைபட்டது தெரியவில்லை.
           விலகிச் சென்றபின்
            விலங்கிருந்தது கையில்,
            விளங்காமல் நான்.

            புல்லில் பனித்துளியாய்
            புன்னகைத்து சென்றவள்.
            விரல் நடுவில் சொருகிவிட்டாள்
            விவாக பத்திரிக்கை - மீண்டும்
            விளங்காமல் நான்..

             நிலத்தில் நின்றுகொண்டு
             நிலாவை பார்த்திருந்தேன்.
             பயணத்தில் உடன்வர ,
             பக்கத்தில் வருமென - இன்னும்
              விளங்காமல் நான்..

               அப்பா !
               அடிக்கடி  அடிக்கு அடி
               நீங்க சொல்லுவீ ங்களே  ...
             '' நீ விளங்காமல் போவாய்'' னு - அதுதானா ?
                விளங்காமல் நான்.

         

     

மூன்றெழுத்தில்

   கோதுமை நிற
            மங்கையே !
                தினையில்
   கோர்த்த தேனே !
           மயக்கும் விழி
              திறந்து - தீரனை
   கோழையாக்கும்
           மன்மத
              திலகமே ..
   கோடையிலே அன்பு
           மழையில்
              தினமும் நனைத்தவளே !
  கோழிகறியோ
          மட்டனோ - சுவையுடன்
             திண்ண சமைத்தவளே  !
   கோபப்படுவாய்
           மன்னிப்பாய்
              திரும்பப் பேசுவாய் ...
   கோர முகத்துடன்
           மவுனமாவாய்
               திருந்தி சிரிப்பாய் ...
    கோபம் குறை .
            மவுனம் களை .
               திருந்த நீ மறுத்தால்
      கோப்பையில்
              மதுவுடன்
                திரிவேன் .
      கோபியரின்
             மடியினில்
                திணிவேன் -
       கோர
               மரணம் வேண்டி
                   தினம் தொழுவேன் ..
        கோபம்
               மறந்து    - நீ
                   திரும்பும் வரை - மூச்சிருக்கும் !!!  
                       கோ
                                ம
                                     தி .
   
 
   
 
 
  

வரவேற்பு

விமர்சனமில்லா பார்வை வேண்டி
வரம் கேட்டபடி உள் நுழைய,
நகை பட்டொடு
நகைத்திருந்த பெண்கள்.
வெள்ளை உடையில்
சுமங்கலியாய் ஆண்கள்.
குழைந்தையின் பசி பேசும்
அழகை இழக்காத இளம்தாய்கள்.
சுருக்கம் விழுந்த பாட்டி மடியில்
சிரித்து விழும் பேத்திகள்.
மணமக்கள் முகத்தில்
வெட்கத்தை தேடி ரசித்தப்படி நான்.
என் மகள் காதில் மெதுவாக
'பொண்ணு அழகா இருக்கு' என்றாள் .
நான் சொல்ல அங்கில்லை ஒரு காது!
கல்யாணம் எப்போதும் அழகே....

ஒன்றும் இரண்டும்

                                                 



                                                       உண்மையும் பொய்யும் 
 
                                              இரட்டைக்  குழந்தைகள் ,

                                      நன்மையையும் தீமையும் 

                                             ஒரே திசைகள்,

                                     ஆதியும் அனாதியும்

                                            ஒன்றென கொண்டால் ...

                                      ஆணும் பெண்ணும்

                                               அடங்கின ஒன்றுள் .

 

என்னை மறந்துவிடு

வழி மீது
           
          விழி வைத்து

                    காத்திருக்க,

வளியிலே

              வாசனையாய்
     
                          அவளும் வர,

வலியிலே

                  இருந்த மனம்

                               சற்றே ஆற....


அவள் வந்ததோ....

                ' என்னை மறந்துவிடு'  

                                  என்று கூற.

அறியாப் பருவம்

அவ பள்ளிக்கூடம் வரல

அது பரவால்ல

ஆனா காரணம் தெரியல

வயித்துவலின்னாய்ங்க,

என்னத்த தின்னாளோ?

ஒருவாரம் காணோம்!

உக்காந்துட்டாளாம்.

கால்வலினு சொல்லலியே!?

ஒருத்தருமே சொல்லல,

என்னாவோ புரியல.

வந்தா ஒருநா

என்னை அறியாம என் புருவம் கேட்டது 'என்ன? '

அவளையே அறியாம

சிரிச்சுட்டு போய்ட்டா..

அந்த சிரிப்புல

என்னவோ புரிஞ்சுது..!

ஓ இதுதான் 

அறியாப்பருவமா?!.

கணக்கான காதல்

என் வாத்தியார் பொண்ணு பேரு சோல,
கணக்கு சொல்லிக் கொடுப்பதுதான் வேல,
காதல் உருவாச்சு !
வாத்தி அறிஞ்சாச்சு !
பிரம்பெடுத்து உரிச்சுவிட்டார் தோல.

கோவத்துல  நான் வர
கூடவே அவளும் வர
காதல் கருவாச்சு !
வாந்தி வந்தாச்சு !
பெத்தெடுத்து குடுத்திட்டா புள்ள.

காலம் பலவாச்சு
கருப்பு முடி வெள்ளையாச்சு
வளர்த்த மகவொண்ணும் காதல்
வலையில் விழுந்தாச்சு
கல்யாணம் முடிச்சாச்சு.

சேர்த்துவச்ச காசெல்லாம்
மருத்துவச் செலவாச்சு,
மனைவிக்கும் வயச்சாச்சு
பேரன் பேத்தி பார்த்தாச்சு...
பொய் சொல்ல விருப்பமில்ல - இன்னும்
போய்ச்சேர மனச்சில்ல...

கவிதை எழுத

கவிதை எழுத

காற்றில் அமர்ந்தல்
நேற்றில் நாளையை
ஊற்றிக் கலத்தல்
போற்றிப் புகழ்தல்
தூற்றி வாரி
சேற்றில் கவிழ்த்தல்
வேற்றிணை நினைத்தல்
ஆற்றின் திசையினை
மாற்றி அமைத்தல் - அல்லது
ஆற்றோடு பயணித்தல்.
காற்றில் மீண்டும்....
கவிதை எழுத அமர்ந்தல்.

My 7 Q s for satisfactions

My 7 Q s for satisfactions

Quality of food
Quantity of sleep
Queens in mind
Qualify in basics
Quick in work
Question to all
Quiet naturally

விரிவான புத்தகம் எழுத
விசயம் உள்ளது,
வினாடிகள் வேண்டும் நிறைய...

தமிழ்

விழி மூடியும்

வாசிக்க முடியும்
நெஞ்சில் நிறுத்தி
நேசிக்க முடியும்
சிந்தனையில்
சுவாசிக்க முடியும்
இந்த கவிதையை,
உங்களுக்கும் தமிழ்
உயிரென்றால்.

வண்ணத்துப்பூச்சி

கருப்பு வெள்ளையாய் 

கற்பனை செய்ய 

அழகு குறையும்,

என் வண்ணத்துப்பூச்சி 

மாநிறம் !